రాజన్న సిరిసిల్ల, 31 October
సిరిసిల్ల పట్టణ పద్మశాలి సంఘం కార్యాలయం ప్రారంభమై 18 రోజులు పూర్తయిన సందర్భంగా, ఇప్పటివరకు 2,500 సభ్యత్వాలు నమోదయ్యాయని పట్టణ అధ్యక్షులు నాగుల శ్రీనివాస్ తెలిపారు. సంఘం కార్యకలాపాలను విస్తృతం చేసేందుకు అన్ని వార్డుల్లో కమిటీలను ఏర్పాటు చేయనున్నట్లు వెల్లడించారు.
సిరిసిల్ల పట్టణ పద్మశాలి సంఘం కార్యాలయాన్ని ప్రారంభించి 18 రోజులు పూర్తయిన సందర్భంగా ఇప్పటివరకు సంఘంలో 2,500 సభ్యత్వాలు పూర్తయినట్లు పట్టణ అధ్యక్షులు నాగుల శ్రీనివాస్ తెలిపారు.
సిరిసిల్ల పట్టణంలోని పద్మశాలి కులబాంధవులందరికీ సంఘం అందుబాటులో ఉండేలా పట్టణంలోని అన్ని వార్డుల్లో వార్డు కమిటీలను ఏర్పాటు చేస్తున్నట్లు ఆయన వెల్లడించారు. ఇప్పటివరకు మూడు వార్డుల్లో కమిటీల ఏర్పాటు పూర్తయిందని, మిగిలిన వార్డుల్లో కూడా త్వరలోనే కమిటీలను ఏర్పాటు చేస్తామని తెలిపారు.
కమిటీల ఏర్పాటు లక్ష్యం
వార్డు కమిటీల్లో పనిచేయడానికి ఆసక్తి ఉన్న పద్మశాలి కులబాంధవులు ముందుకు రావాలని, వారికి కూడా కమిటీల్లో అవకాశం కల్పిస్తామని పేర్కొన్నారు. సంఘం నిర్దేశించుకున్న లక్ష్యాన్ని త్వరితగతిన చేరుకునేలా సభ్యత్వ నమోదు కార్యక్రమాన్ని మరింత వేగవంతం చేయడానికి ఈ కమిటీలను ఏర్పాటు చేస్తున్నట్లు వివరించారు.
సంఘం లక్ష్యాలు
సిరిసిల్ల పట్టణంలోని పద్మశాలీల సంక్షేమం, అభివృద్ధి, ఐక్యతే ప్రధాన లక్ష్యంగా వార్డు కమిటీలు పనిచేస్తాయని తెలిపారు. కులబాంధవులందరూ సంఘానికి సహకరించి విధిగా సభ్యత్వం తీసుకోవాలని, సంఘాన్ని మరింత బలోపేతం చేయాలని ఈ సందర్భంగా కోరారు.
ఈ కార్యక్రమంలో పట్టణ అధ్యక్షులు నాగుల శ్రీనివాస్, ప్రధాన కార్యదర్శి మాదాస్ శ్రీనివాస్, ఉపాధ్యక్షులు గుంటుక పురుషోత్తం, సహాయ కార్యదర్శి జిందం రవీందర్, కోశాధికారి దాసరి వెంకటేష్, కార్యవర్గ సభ్యులు గాజుల సదానందం, కుందన సాయి శరత్, 35వ వార్డు కార్యదర్శి గజ్జెల్లి శ్రీధర్, సభ్యులు గజ్జల్లి వేణు తదితరులు పాల్గొన్నారు.
