రంగారెడ్డి జిల్లాలో రూ. 20 లక్షల లంచం.. తహసీల్దార్, సర్వేయర్ ఏసీబీకి చిక్కారు

అబ్దుల్లాపూర్ మండలంలో భూమికి సంబంధించిన అధికారిక పనుల కోసం భారీగా లంచం డిమాండ్ చేసిన ఇద్దరు కీలక రెవెన్యూ అధికారులు ఏసీబీ వలకు చిక్కారు. ఈ దాడి రంగారెడ్డి జిల్లాలో సంచలనం సృష్టించింది. ఏసీబీ సిటీ రేంజ్ - సీఐయూ () అధికారులకు అందిన విశ్వసనీయ సమాచారం ప్రకారం, బాధితుడి భూమి పనుల కోసం అధికారులు ఏకంగా రూ. 20,00,000/- (ఇరవై లక్షల రూపాయలు) లంచంగా అడిగారు. ఈ మొత్తాన్ని తీసుకుంటుండగా, ఏసీబీ అధికారులు పక్కా ప్రణాళికతో దాడులు నిర్వహించి, ఇద్దరు అధికారులను రెడ్ హ్యాండెడ్గా పట్టుకున్నారు.

ఏసీబీకి చిక్కిన వారిలో శ్రీ బతుక శ్రీనివాసులు, మండల సర్వేయర్ (-1), మరియు శ్రీ బి. సుదర్శన్ రెడ్డి, తహసీల్దార్, అబ్దుల్లాపూర్ మండలం (-2) ఉన్నారు. వీరిద్దరూ కలిసి బాధితుడి నుంచి భారీ మొత్తంలో లంచం డిమాండ్ చేసినట్లు ఆరోపణలున్నాయి. బాధితుని ఫిర్యాదు మేరకు రంగంలోకి దిగిన ఏసీబీ అధికారులు, నిందితుల నుంచి లంచం సొమ్మును స్వాధీనం చేసుకున్నారు. వారిపై అవినీతి నిరోధక చట్టం కింద కేసు నమోదు చేసి, తదుపరి దర్యాప్తు కొనసాగిస్తున్నట్లు తెలిపారు. ప్రభుత్వ కార్యాలయాల్లో అవినీతికి పాల్పడే వారిపై కఠిన చర్యలు తప్పవని ఏసీబీ అధికారులు హెచ్చరికలు జారీ చేశారు.