హాలీవుడ్ స్టార్ బ్రాడ్ పిట్ అభిమానులకు శుభవార్త. ఆయన నటిస్తున్న కొత్త చిత్రం ది ఫర్దర్ మిస్-అడ్వెంచర్స్ ఆఫ్ క్లిఫ్ బూత్ టీజర్ను నెట్ఫ్లిక్స్ విడుదల చేసింది. 2019లో వచ్చిన వన్స్ అపాన్ ఎ టైమ్... ఇన్ హాలీవుడ్ చిత్రంలోని క్లిఫ్ బూత్ పాత్రలో బ్రాడ్ పిట్ మరోసారి కనిపించనున్నారు.
ఈ కథ 1977 నేపథ్యంలో సాగుతుంది. గతంలో స్టంట్మ్యాన్గా పనిచేసిన క్లిఫ్ బూత్, ఇప్పుడు హాలీవుడ్లో సమస్యలను పరిష్కరించే వ్యక్తిగా కొత్త బాధ్యతలు చేపడతాడు. అప్పటి సినీ పరిశ్రమలో ఎదురయ్యే వివాదాలు, సవాళ్ల చుట్టూ కథ నడుస్తుంది.
సినిమా వివరాలు
ఈ చిత్రానికి డేవిడ్ ఫించర్ దర్శకత్వం వహిస్తుండగా, క్వెంటిన్ టరంటినో కథ, స్క్రీన్ప్లే అందించారు. ఎలిజబెత్ డెబికీ, స్కాట్ కాన్, కార్లా గుగినో, యాహ్యా అబ్దుల్-మతీన్ తదితరులు కీలక పాత్రల్లో నటిస్తున్నారు.
ఈ సినిమా ప్రపంచవ్యాప్తంగా ఐమాక్స్ థియేటర్లలో ప్రత్యేక ప్రదర్శనకు రానుంది. అనంతరం నెట్ఫ్లిక్స్లో స్ట్రీమింగ్ కానుంది.
