కోరుట్ల జిల్లా పరిషత్ బాలికల పాఠశాలలో ఈ-వేస్ట్ మేనేజ్మెంట్ వ్యర్థాల విభజనపై అవగాహన కార్యక్రమం ఘనంగా జరిగింది. విద్యార్థులకు పర్యావరణ పరిరక్షణపై అవగాహన కల్పించేందుకు ఎకో క్లబ్, యూత్ క్లబ్ ఆధ్వర్యంలో ఈ ప్రత్యేక కార్యక్రమాన్ని నిర్వహించారు.
ఈ కార్యక్రమంలో భాగంగా విద్యార్థులకు తడి చెత్త, పొడి చెత్త, శానిటరీ వేస్ట్, ఈ-వేస్ట్ (ఎలక్ట్రానిక్ వ్యర్థాలు)లను వేరుచేసే విధానంపై శిక్షణ ఇచ్చారు.
చెత్తను సద్వినియోగం చేసుకోవడానికి ఏర్పాటు చేసిన పచ్చని, నీలం, పసుపు, నలుపు రంగు డబ్బాలలో వ్యర్థాలను వేసి, సరైన పద్ధతిలో డంప్ చేసే విధానాన్ని విద్యార్థులకు ప్రత్యక్షంగా చూపించారు.
ఎకో క్లబ్ కోఆర్డినేటర్ సి.హెచ్. లక్ష్మీనారాయణ, సైన్స్ ఉపాధ్యాయులు ఈ కార్యక్రమాన్ని సమన్వయం చేశారు.
పర్యావరణ పరిరక్షణలో విద్యార్థులు చూపుతున్న చొరవను పాఠశాల ప్రధానోపాధ్యాయులు వి. గంగాధర్ ప్రత్యేకంగా అభినందించారు. ఈ కార్యక్రమంలో ఉపాధ్యాయులు, విద్యార్థులు పెద్ద సంఖ్యలో పాల్గొన్నారు.
