ఉమ్మడి నల్లగొండ, ఖమ్మం, వరంగల్ ఎమ్మెల్సీ ఎన్నికల నేపథ్యంలో మండల యూత్ కాంగ్రెస్ ఆధ్వర్యంలో కేశవాపురం గ్రామంలో ఓటు నమోదుపై అవగాహన సదస్సు నిర్వహించారు. ఈ కార్యక్రమంలో పలువురు నాయకులు, ప్రజా ప్రతినిధులు పాల్గొన్నారు.
మండల యూత్ కాంగ్రెస్ అధ్యక్షులు గుండు మహేందర్ గౌడ్, ఉపాధ్యక్షులు పగిళ్ల ఉపేందర్ ఆధ్వర్యంలో ఈ అవగాహన సదస్సు జరిగింది. ఎమ్మెల్సీ ఓటు నమోదు ప్రచార కార్యక్రమంలో భాగంగా ఈ కార్యక్రమం చేపట్టారు. ఈ సదస్సుకు సర్పంచ్ గోసుల రాజేష్, ఉప సర్పంచ్ పుల్లయ్య, యూత్ కాంగ్రెస్ గ్రామ శాఖ అధ్యక్షుడు శివరాత్రి ఉపేందర్, వార్డ్ మెంబెర్లు ఉపేందర్, కరుణాచారి, మనోజ్, గ్రామ నాయకులు అర్జున్ రావు, గోవర్ధన్, గోపీనాథ్, ఫెరెల్లి గోపయ్య, మొక్క శ్రీను, కాంగ్రెస్ గ్రామ, మండల కమిటీ నాయకులు, యువజన నాయకులు, ప్రజా ప్రతినిధులు హాజరయ్యారు.
ఈ సందర్భంగా, గ్రామంలోని అర్హులైన పట్టభద్రులు ఎమ్మెల్సీ ఓటరుగా తమ పేర్లను నమోదు చేసుకోవాలని నాయకులు సూచించారు. ఓటరు నమోదు ప్రక్రియపై ప్రజలకు అవగాహన కల్పించారు. అర్హత కలిగిన ప్రతి ఒక్కరూ ఈ అవకాశాన్ని సద్వినియోగం చేసుకోవాలని కోరారు. ప్రజాస్వామ్య ప్రక్రియలో భాగస్వాములు కావడానికి ఓటరు నమోదు ప్రక్రియ ఎంతో ముఖ్యమని వివరించారు.
