తెలంగాణ రైతాంగ సాయుధ పోరాటంలో టైగర్ నల్లా నర్సింహులు అలుపెరుగని పోరాట యోధుడు అని వరంగల్ బార్ అసోసియేషన్ అధ్యక్షులు చకిలం ఉపేందర్ అన్నారు. లో జరిగిన నల్లా నర్సింహులు 33వ వర్ధంతి వేడుకల్లో ఆయన ఈ వ్యాఖ్యలు చేశారు. నేటితరం ఆయన పోరాట స్ఫూర్తిని స్వీకరించి ముందుకు సాగాలని పిలుపునిచ్చారు.
జిల్లా కేంద్రంలో వరంగల్ - జిల్లాల బార్ అసోసియేషన్ల ఆధ్వర్యంలో చకిలం ఉపేందర్ అధ్యక్షతన నల్లా నర్సింహులు 33వ వర్ధంతి వేడుకలు ఘనంగా జరిగాయి. ఈ సందర్భంగా ఆయన చిత్రపటానికి పూలమాలలు వేసి నివాళులర్పించారు. ఈ సందర్భంగా చకిలం ఉపేందర్ మాట్లాడుతూ, నేటితరం ప్రజలు నల్లా నర్సింహులు పోరాట స్ఫూర్తిని స్వీకరించి ముందుకు సాగాలని పిలుపునిచ్చారు.
దుస్సా జనార్దన్ (మాజీ బార్ కౌన్సిల్ మెంబర్) మాట్లాడుతూ, నిరంకుశ విస్నూరు దొరను, భూస్వాముల ఆగడాలను ఎదిరించి నల్లా నర్సింహులు ఎన్నో కేసులను ఎదుర్కొన్నారని తెలిపారు. వారితో తనకున్న సహచర్య అనుభవాలను పంచుకున్నారు. వీర వెంకట రత్నం (తొర్రూర్ బార్ అసోసియేషన్ అధ్యక్షులు) మాట్లాడుతూ, తీవ్ర నిర్బంధంలో కూడా నమ్మిన ఆశయాల కోసం నల్లా నర్సింహులు పోరాడారని, తెలంగాణ పేద రైతుల కోసం ఉరికొయ్యలను సైతం ఎదిరించారని పేర్కొన్నారు. యువతరం ఆయన జీవిత చరిత్రను చదివి ప్రేరణ పొందాలన్నారు.
సాయిని నరేందర్ ( రాష్ట్ర ప్రధాన కార్యదర్శి) మాట్లాడుతూ, భూమి కోసం, భుక్తి కోసం, వెట్టిచాకిరి విముక్తి కోసం పోరాడిన నల్లా నర్సింహులు స్ఫూర్తితో బహుజనుల హక్కుల కోసం ఐక్య పోరాటాలు చేయాలని పిలుపునిచ్చారు. వలుస సుధీర్ (వరంగల్ బార్ మాజీ అధ్యక్షులు) మాట్లాడుతూ, నల్లా నర్సింహులుకు ఆనాటి పాలకులు మూడుసార్లు ఉరిశిక్ష విధించినా ధైర్యం కోల్పోకుండా న్యాయస్థానాల్లో తన వాదనలు ధైర్యంగా వినిపించారని చెప్పారు. ఆయన ధైర్యసాహసాలను చూసి పోలీసు అధికారులు సైతం ఆశ్చర్యపోయేవారని గుర్తుచేశారు. ఈ పోరాటంలో ఆయన భార్య వజ్రమ్మ త్యాగం అనన్యమైనదని, భర్త ఉద్యమంలో ఉన్నప్పుడు అరెస్ట్ అయి జైలులోనే ఆడశిశువుకు జన్మనిచ్చారని తెలిపారు. బీసీ, ఎస్సీ, ఎస్టీలు తమ హక్కుల కోసం ఏకమై అసమానతలను ప్రశ్నించాలని పిలుపునిచ్చారు.
మరుగునపడిన నల్లా నర్సింహులు చరిత్రను భావితరాలకు అందించడానికి అవిరామంగా కృషి చేస్తున్న సామాజిక వేత్త దాసరి జనార్ధన్ను బార్ అసోసియేషన్ అధ్యక్షులు చకిలం ఉపేందర్ శాలువాతో ఘనంగా సత్కరించారు. ఈ కార్యక్రమంలో ఇరు బార్ అసోసియేషన్ల కార్యదర్శులు ఆర్. నాగేంద్ర చారి, ఊరుగొండ నరేందర్, ఉపాధ్యక్షురాలు వి. లలితకుమారి, రఘుపతి, సంయుక్త కార్యదర్శి ఆడెపు సునిల్, సీనియర్ న్యాయవాదులు దాసరి ప్రేమ్ సాగర్, సాయిని నరేందర్, చిల్లా రాజేంద్ర ప్రసాద్, విలాసాగరం సురేందర్ గౌడ్, నీలా శ్రీధర్, సిద్ధు నాయక్, నర్సింగరావు, జన్ను పద్మ, నర్సింగ్, గంజి రమేష్, రాచకట్ల కృష్ణ, కుసుమ జగదీష్, పాము శరత్, నల్ల మహాత్మ, గురిమిల్ల రాజు, కర్రు పావని, ఓరుగంటి కోటేశ్వర్ తదితర న్యాయవాదులు పెద్ద సంఖ్యలో పాల్గొన్నారు.
