ముఖ్యమంత్రి రేవంత్ రెడ్డికి జగిత్యాల ఎమ్మెల్యే సంజయ్ కుమార్ జన్మదిన శుభాకాంక్షలు

తెలంగాణ రాష్ట్ర ముఖ్యమంత్రి శ్రీ ఎనుముల రేవంత్ రెడ్డి పుట్టినరోజు సందర్భంగా జగిత్యాల ఎమ్మెల్యే డా. సంజయ్ కుమార్ ఆధ్వర్యంలో ఎమ్మెల్యే క్యాంప్ కార్యాలయంలో జన్మదిన వేడుకలు ఘనంగా నిర్వహించారు. నాయకులు, కార్యకర్తలతో కలిసి కేక్ కట్ చేసి, స్వీట్లు పంపిణీ చేశారు. ఈ కార్యక్రమంలో అధ్యక్షులు గజంగి నందయ్య, మున్సిపల్ ఛైర్మన్ సమిండ్ల వాణి శ్రీనివాస్, , చైర్మన్లు, సర్పంచులు, కౌన్సిలర్లు, జిల్లా, మండల కాంగ్రెస్ పార్టీ నాయకులు, కార్యవర్గ సభ్యులు, జగిత్యాల నియోజకవర్గ ముఖ్య నాయకులు, కాంగ్రెస్ పార్టీ కుటుంబ సభ్యులు తదితరులు పాల్గొన్నారు. ఈ సందర్భంగా ఎమ్మెల్యే డా. సంజయ్ కుమార్ మాట్లాడుతూ, తెలంగాణ రాష్ట్ర అభివృద్ధికి నిరంతరం కృషి చేస్తున్న ముఖ్యమంత్రికి, జగిత్యాల నియోజకవర్గ ప్రజల పక్షాన పుట్టినరోజు శుభాకాంక్షలు తెలిపారు. దేశంలో ఎక్కడా లేని విధంగా 21వేల కోట్ల రుణమాఫీని రైతులకు ఏకకాలంలో అమలు చేయడం జరిగిందని, దేశంలో ప్రజలకు సన్న బియ్యం పంపిణీ చేస్తున్న ప్రభుత్వం తెలంగాణ అని తెలిపారు.

200 యూనిట్ల ఉచిత కరెంట్, మహిళలకు ఉచిత బస్సు ప్రయాణం, రైతు భరోసా, రేషన్ కార్డుల పంపిణీ వంటి అనేక సంక్షేమ పథకాలను అమలు చేయడం జరుగుతుందని తెలిపారు. ఇందిరమ్మ ఇళ్ల మంజూరుతో పేదల కళ్లలో ఆనందం వెల్లివిరుస్తోందని, కాంగ్రెస్ కార్యకర్తలు కాలర్ ఎగరేసుకునే విధంగా రాష్ట్రంలో ఇందిరమ్మ ఇళ్ల నిర్మాణాలు జరుగుతున్నాయని అన్నారు. ఇప్పటివరకు కాంగ్రెస్ ప్రభుత్వం కాళేశ్వరం ప్రాజెక్టు కోసం 30 వేల కోట్ల రూపాయల వడ్డీని చెల్లించిందని తెలిపారు. సీనియర్ నాయకులు ఇష్టారీతిన వారి స్వలాభం కోసం మాట్లాడినట్లుగా తనకు మాట్లాడాల్సిన అవసరం లేదని, ప్రజల అవసరాలకు అనుగుణంగా మాట్లాడాలి కానీ అసత్య ప్రచారాలు చేయడం మానుకోవాలని సూచించారు. అక్టోబర్లో సున్నా వర్షపాతం, ఎల్ నినో, కరువుకు సమాయత్తం కావాలని సీఎం గారు ముందస్తు దిశానిర్దేశం చేశారని రైతులు, ప్రజలు గమనించాలని అన్నారు. ప్రజలు, నాయకులు ముఖ్యమంత్రి గారికి అండగా ఉండాలని, వారి ఆయురారోగ్యాలతో ప్రజా సేవలో ప్రజలకు మరింత సేవ చేసే శక్తిని భగవంతుడు ప్రసాదించాలని ఆకాంక్షించారు.