మానకొండూరు (ధర్మ రథం) నవంబర్ 21
కరీంనగర్ జిల్లా మానకొండూరు మండలం లక్ష్మీపూర్ గ్రామ పంచాయతీ కార్యదర్శి లావుడ్యా చవాన్ లాల్, శనివారం (21.11.2026) అవినీతి నిరోధక శాఖ అధికారులకు రెడ్ హ్యాండెడ్గా పట్టుబడ్డారు. ఫిర్యాదుదారుడి కోడలికి పింఛను మంజూరు చేయించినందుకు గాను రూ. 10,000/- లంచం తీసుకుంటుండగా అధికారులు దాడి చేశారు.
కరీంనగర్ జిల్లా మానకొండూరు మండలం లక్ష్మీపూర్ గ్రామ పంచాయతీ కార్యదర్శి శ్రీ లావుడ్యా చవాన్ లాల్, శనివారం (21.11.2026) అవినీతి నిరోధక శాఖ అధికారులకు రెడ్ హ్యాండెడ్గా పట్టుబడ్డారు. ఫిర్యాదుదారుడి కోడలికి టీజీ చేయూత పింఛను (వితంతు పింఛను) దరఖాస్తు ప్రక్రియను పూర్తి చేసి, పింఛను మంజూరు చేయించినందుకు ప్రతిఫలంగా ఆ అధికారి రూ. 10,000/- లంచం డిమాండ్ చేశారు.
ఈ మేరకు 21.11.2026న ఫిర్యాదుదారుడి నివాసంలోనే బాధితుడి నుండి రూ. 10,000/- లంచం తీసుకుంటుండగా ఏసీబీ అధికారులు దాడి చేసి ఆయన్ను పట్టుకున్నారు. సదరు అధికారి వద్ద నుండి లంచం సొమ్ము రూ. 10,000/- స్వాధీనం చేసుకున్నట్లు ఏసీబీ అధికారులు తెలిపారు.
అధికారిక విధి నిర్వహణపై ఏసీబీ ఆరోపణలు
అధికారిక పదవిని దుర్వినియోగం చేస్తూ, అక్రమ లబ్ధి కోసం ప్రభుత్వ విధులను నిజాయితీ లేకుండా నిర్వర్తించినట్లు ఏసీబీ పేర్కొంది. ఆరోపణలు ఎదుర్కొంటున్న అధికారిని అరెస్టు చేసి, జ్యుడీషియల్ రిమాండ్ నిమిత్తం కరీంనగర్లోని కేసుల ప్రత్యేక కోర్టు ముందు హాజరుపరుస్తున్నట్లు అధికారులు వెల్లడించారు.
కేసు దర్యాప్తులో ఉందని, భద్రతా కారణాల దృష్ట్యా ఫిర్యాదుదారుడి వివరాలను గోప్యంగా ఉంచినట్లు ప్రెస్ నోట్ నెం. 180లో తెలిపారు.
ప్రజలకు ఏసీబీ విజ్ఞప్తి
ఏ ప్రభుత్వ ఉద్యోగి అయినా లంచం డిమాండ్ చేస్తే చట్టపరంగా చర్యలు తీసుకోవడానికి ప్రజలు ఏసీబీ టోల్ ఫ్రీ నెంబర్ 1064 కు ఫోన్ చేయాలని ఏసీబీ కోరింది. అలాగే వాట్సాప్ (9440446106), ఫేస్బుక్, ఎక్స్/ట్విట్టర్ ద్వారా కూడా ఫిర్యాదు చేయవచ్చని, ఫిర్యాదుదారుల వివరాలు గోప్యంగా ఉంచుతామని తెలిపింది.


