నిర్మల్, 2026-06-05
నిర్మల్ జిల్లా కేంద్రంలో ట్యాక్స్ అధికారుల వసూళ్ల బాగోతం బట్టబయలైంది. అనుకూలమైన జీఎస్టీ ఆడిట్ రిపోర్ట్ ఇచ్చేందుకు రూ. 50 వేలు లంచం డిమాండ్ చేసిన ఇద్దరు స్టేట్ ట్యాక్స్ శాఖ అధికారులు యాంటీ కరప్షన్ బ్యూరో అధికారులకు రెడ్ హ్యాండెడ్గా చిక్కారు.
నిర్మల్ జిల్లా కేంద్రంలో ట్యాక్స్ అధికారుల వసూళ్ల బాగోతం బట్టబయలైంది. అనుకూలమైన జీఎస్టీ ఆడిట్ రిపోర్ట్ ఇచ్చేందుకు రూ. 50 వేలు లంచం డిమాండ్ చేసిన ఇద్దరు స్టేట్ ట్యాక్స్ శాఖ అధికారులు యాంటీ కరప్షన్ బ్యూరో అధికారులకు రెడ్ హ్యాండెడ్గా చిక్కారు.
అధికారుల వివరాలు
ఏసీబీ అధికారుల వివరాల ప్రకారం.. నిర్మల్ సర్కిల్ స్టేట్ ట్యాక్స్ ఆఫీసర్ కొప్పెల గదావరి మరియు అసిస్టెంట్ కమిషనర్ కార్యాలయ సీనియర్ అసిస్టెంట్ మంత్రి సాయి కృష్ణ కలిసి ఈ తతంగానికి పాల్పడ్డారు.
లంచం డిమాండ్
మంచిర్యాల జిల్లాకు చెందిన ఓ వ్యాపారికి సంబంధించిన జీఎస్టీ ఆడిట్ రిపోర్ట్లో అనుకూలంగా వ్యవహరించేందుకు తొలుత ఈ అధికారులు రూ. 1 లక్ష లంచం డిమాండ్ చేశారు. బాధితుడు వేడుకోవడంతో చివరకు ఆ మొత్తాన్ని రూ. 50 వేలకు కుదించారు.
ఏసీబీ దాడులు
దీనిపై బాధితుడు ఏసీబీని ఆశ్రయించగా.. సోమవారం వారి వ్యూహం ప్రకారం నిర్మల్లోని కార్యాలయంలో ట్యాక్స్ ఆఫీసర్ గదావరి బాధితుడి నుంచి రూ. 50 వేలు తీసుకుని సీనియర్ అసిస్టెంట్ సాయి కృష్ణకు అందజేశారు. అదే సమయంలో అక్కడ మాటువేసిన ఏసీబీ అధికారులు ఇద్దరినీ అదుపులోకి తీసుకుని, వారి నుంచి నగదును స్వాధీనం చేసుకున్నారు.
అరెస్ట్, దర్యాప్తు
నిందితుల చేతులపై నిర్వహించిన కెమికల్ టెస్టులు పాజిటివ్ రావడంతో ఇద్దరిని అరెస్ట్ చేసినట్లు ఏసీబీ అధికారులు వెల్లడించారు. ఈ ఘటనపై కేసు నమోదు చేసి దర్యాప్తు జరుపుతున్నట్లు తెలిపారు.
ప్రజలకు సూచన
ప్రభుత్వ ఉద్యోగులు ఎవరైనా లంచం డిమాండ్ చేస్తే ప్రజలు టోల్ ఫ్రీ నంబర్ 1064 ద్వారా ఏసీబీని సంప్రదించాలని సూచించారు.
