హైదరాబాద్, 2026-06-05
ప్రజా రవాణాలో భాగంగా ఆర్టీసీ బస్సుల్లో కిక్కిరిసి ప్రయాణించడం, సీట్ల కోసం ప్రయాణికులు నిత్యం గొడవపడటం లాంటి దృశ్యాలు రోజూ కనిపిస్తుంటాయి. ఆర్టీసీ బస్సు ఎక్కడానికి, అందులో చోటు దక్కించుకోవడానికి అంతగా ఆరాటపడే ప్రజలు... అదే ప్రభుత్వం ఎంతో ప్రతిష్టాత్మకంగా నిర్వహిస్తున్న సర్కారు బడులకు తమ పిల్లలను పంపడానికి మాత్రం వెనుకంజ వేస్తున్నారు. మరి ఈ వైరుధ్యానికి కారణం ఎవరు ప్రభుత్వాలదా లేక ఉపాధ్యాయులదా అనే చర్చ ఇప్పుడు తీవ్రరూపం దాల్చింది.
ప్రజా రవాణాలో భాగంగా ఆర్టీసీ బస్సుల్లో కిక్కిరిసి ప్రయాణించడం, సీట్ల కోసం ప్రయాణికులు నిత్యం గొడవపడటం లాంటి దృశ్యాలు రోజూ కనిపిస్తుంటాయి. ఆర్టీసీ బస్సు ఎక్కడానికి, అందులో చోటు దక్కించుకోవడానికి అంతగా ఆరాటపడే ప్రజలు... అదే ప్రభుత్వం ఎంతో ప్రతిష్టాత్మకంగా నిర్వహిస్తున్న సర్కారు బడులకు తమ పిల్లలను పంపడానికి మాత్రం వెనుకంజ వేస్తున్నారు. మరి ఈ వైరుధ్యానికి కారణం ఎవరు ప్రభుత్వాలదా లేక ఉపాధ్యాయులదా అనే చర్చ ఇప్పుడు తీవ్రరూపం దాల్చింది.
ప్రభుత్వ వసతులు వర్సెస్ ఉపాధ్యాయుల వైఖరి
పేద విద్యార్థులకు నాణ్యమైన విద్యనందించాలనే ఉద్దేశంతో ప్రభుత్వాలు మధ్యాహ్న భోజనం, అల్పాహారం, ఉచిత పుస్తకాలు, గణనీయమైన నిధులతో ఎన్నో సౌకర్యాలు కల్పిస్తున్నాయి. కానీ, క్షేత్రస్థాయిలో పరిస్థితి భిన్నంగా ఉంటోంది. డిగ్రీలు, పీజీలు, బీఈడీలు చేసి, కఠినమైన పోటీ పరీక్షల ద్వారా ప్రభుత్వ ఉద్యోగాలు సాధించిన ఉపాధ్యాయులు... బడిలో పిల్లలకు మాత్రం ఆస్థాయిలో విద్యను అందించడంలో విఫలమవుతున్నారనే తీవ్ర విమర్శలు వ్యక్తమవుతున్నాయి. కొందరు ఉపాధ్యాయులు కేవలం పేపర్లలో ప్రకటనలు ఇప్పించుకుంటూ షో చేస్తున్నారే తప్ప, క్షేత్రస్థాయిలో విద్యార్జన మాత్రం నామమాత్రంగానే ఉందని ప్రజలు ఆరోపిస్తున్నారు. మరోవైపు ఎంఈవో, డీఈవోల ముందస్తు సమాచారంతో నామమాత్రపు తనిఖీలు మాత్రమే జరుగుతున్నాయని విమర్శలున్నాయి.
ఉపాధ్యాయుల ప్రవర్తనపై విమర్శలు
స్వయంగా ప్రభుత్వ ఉపాధ్యాయులే తమ పిల్లలను సర్కారు బడుల్లో చేర్పించకుండా ప్రైవేట్ పాఠశాలలకు పంపిస్తుండటం గమనార్హం. తాము బడిలో కూర్చుని జీతం తీసుకుంటున్నాం కానీ, తాము చెప్పే చదువుపై తమకే నమ్మకం లేదు అనే రీతిలో వారి ప్రవర్తన ఉంటోందని, ఉపాధ్యాయులు కేవలం జీతాలు, వ్యక్తిగత సంపాదన గురించే ఆలోచిస్తున్నారనే అభిప్రాయాలు వ్యక్తమవుతున్నాయి. ఈ వైఖరి ప్రభుత్వ బడుల విశ్వసనీయతను దెబ్బతీస్తోందని పలువురు అభిప్రాయపడుతున్నారు.
సీఎం రేవంత్ రెడ్డి సంచలన వ్యాఖ్యలు
ప్రభుత్వ పాఠశాలల ప్రమాణాలు, ఉపాధ్యాయుల పనితీరుపై ఇటీవల ముఖ్యమంత్రి రేవంత్ రెడ్డి చేసిన వ్యాఖ్యలు రాష్ట్రవ్యాప్తంగా చర్చనీయాంశమయ్యాయి. ప్రైవేట్ పాఠశాలల్లో బోధించే ఉపాధ్యాయుల కంటే ప్రభుత్వ ఉపాధ్యాయులు అత్యంత దయనీయంగా చదువు చెబుతున్నారని సీఎం ప్రశ్నించారు. ఈ వ్యాఖ్యలపై కొందరు ఉపాధ్యాయులు ధర్నాలకు దిగినప్పటికీ, సీఎం మాత్రం ప్రజాధనాన్ని కాపాడటమే లక్ష్యంగా ముందుకెళ్తున్నారు.
ప్రభుత్వ పాఠశాలల మూసివేత, అభివృద్ధిపై దృష్టి
