న్యూజిలాండ్తో వెల్లింగ్టన్లో జరుగుతున్న తొలి టెస్టులో భారత స్టార్ పేసర్ మహమ్మద్ సిరాజ్కు తుది జట్టులో చోటు దక్కలేదు. ఈ మ్యాచ్లో భారత కెప్టెన్ శుభ్మన్ గిల్ టాస్ గెలిచి ముందుగా బౌలింగ్ ఎంచుకున్నాడు.
వెల్లింగ్టన్లోని బేసిన్ రిజర్వ్ మైదానంలో గురువారం ప్రారంభమైన ఈ మ్యాచ్లో భారత్ నలుగురు పేసర్ల వ్యూహాన్ని ఎంచుకుంది. జస్ప్రీత్ బుమ్రా, ఆకాశ్ దీప్, అన్షుల్ కాంబోజ్, ప్రసిద్ధ్ కృష్ణలకు తుది జట్టులో అవకాశం కల్పించింది.
స్పిన్ ఆల్రౌండర్గా వాషింగ్టన్ సుందర్ను ఎంపిక చేసింది. అయితే, సిరాజ్తో పాటు సీనియర్ ఆల్రౌండర్ రవీంద్ర జడేజా కూడా తుది జట్టులో చోటు దక్కించుకోలేదు.
సిరాజ్, గుర్నూర్ బ్రార్లను పక్కన పెట్టడం కష్టమైన నిర్ణయమని కెప్టెన్ శుభ్మన్ గిల్ టాస్ సందర్భంగా వెల్లడించాడు. ఈ నిర్ణయంపై సిరాజ్ అభిమానుల్లో చర్చ మొదలైంది.


