రాయికల్, 6 September
జగిత్యాల జిల్లా మండలం అల్లీపూర్ గ్రామంలో ప్రతి ఆదివారం జరిగే వారసంతలో వాహనాల రద్దీతో తీవ్రమైన ట్రాఫిక్ జామ్ ఏర్పడుతోంది. ఈ సమస్యను పరిష్కరించేందుకు 8వ వార్డు సభ్యుడు అనుమల్ల రాజ్కుమార్ స్వయంగా రంగంలోకి దిగి ట్రాఫిక్ను క్రమబద్ధీకరించారు. ప్రజలు, వ్యాపారస్తులు ఎదుర్కొంటున్న ఇబ్బందులను తొలగించేందుకు ఆయన చొరవ తీసుకున్నారు.
అల్లీపూర్ వారసంతలో ప్రజలు, వ్యాపారస్తుల ట్రాఫిక్ ఇబ్బందులను తొలగించడానికి 8వ వార్డు మెంబర్ అనుమల్ల రాజ్కుమార్ స్వయంగా రంగంలోకి దిగి ట్రాఫిక్ క్లియర్ చేశారు. జగిత్యాల జిల్లా మండలం అల్లీపూర్ గ్రామంలో ప్రతి ఆదివారం వారసంత జరుగుతుంది. ఈ సంతకు చుట్టుపక్కల ప్రాంతాల నుండి వ్యాపారస్తులు, ప్రజలు పెద్ద సంఖ్యలో వస్తుంటారు. అయితే, కొందరు తమ బైకులు, కార్లను సంత లోపలికి తీసుకురావడం వల్ల తీవ్రమైన ట్రాఫిక్ జామ్ ఏర్పడుతోంది. దీనివల్ల నడవడానికి కూడా స్థలం లేక కొనుగోలుదారులు, వ్యాపారస్తులు ప్రతి వారం నరకం చూస్తున్నారు. ట్రాఫిక్ సమస్య మరీ ఎక్కువ కావడంతో, 8వ వార్డు మెంబర్ అనుమల్ల రాజ్కుమార్ స్పందించారు. ఆయనే స్వయంగా ముందుండి వాహనాలను పక్కకు జరిపిస్తూ, ట్రాఫిక్ను పూర్తిగా క్లియర్ చేశారు. వార్డు మెంబర్ రాజ్కుమార్ చేసిన పనిని సంతకు వచ్చిన ప్రజలు, వ్యాపారస్తులు అభినందించారు. అయితే, ప్రతి వారం ఇలాంటి సమస్యలు రాకుండా ఉండాలంటే, వారసంత రోజున ట్రాఫిక్ను నియంత్రించడానికి ప్రత్యేక అధికారులను లేదా సిబ్బందిని ఏర్పాటు చేయాలని గ్రామస్థులు, ఉన్నతాధికారులను కోరుతున్నారు...
