జగిత్యాల పట్టణ పోలీస్స్టేషన్ పరిధిలో ఒక ఆటో డ్రైవర్ తన నిజాయితీని చాటుకున్నారు. ప్రయాణికురాలు మరిచిపోయిన బంగారం, నగదుతో కూడిన పర్సును గుర్తించి, పోలీసులకు అప్పగించారు. ఈ సంఘటనతో ఆటో డ్రైవర్ పట్ల అందరూ ప్రశంసలు కురిపిస్తున్నారు.
ఆటోలో ప్రయాణిస్తున్న ఒక మహిళ తన పర్సును మరిచిపోయారు. ఆ పర్సులో సుమారు అర తులం బంగారం, రూ.1,000 నగదుతో పాటు ఇతర ముఖ్యమైన కార్డులు ఉన్నాయని పోలీసులు తెలిపారు. ఈ విషయాన్ని గుర్తించిన చల్గల్ గ్రామానికి చెందిన ఆటో డ్రైవర్ పడాల సురేష్, ఎలాంటి స్వార్థం లేకుండా వెంటనే జగిత్యాల టౌన్ పోలీస్స్టేషన్కు తీసుకువచ్చారు.
అక్కడ పట్టణ ఇన్స్పెక్టర్ పి. కరుణాకర్కు పర్సును అప్పగించారు. పోలీసులు పర్సులోని వివరాలను పరిశీలించి, టౌన్ హెడ్ కానిస్టేబుల్ డి. మోహన్ చేతుల మీదుగా సంబంధిత మహిళకు సురక్షితంగా అందజేశారు.
ఈ సందర్భంగా ఇన్స్పెక్టర్ పి. కరుణాకర్ ఆటో డ్రైవర్ పడాల సురేష్ను ప్రత్యేకంగా అభినందించారు. ఆయన నిజాయితీ, ఔదార్యం ప్రశంసనీయమని అన్నారు. సమాజంలో ఇలాంటి మంచి విలువలు మరింత పెంపొందాలని ఆయన ఆకాంక్షించారు.
