మధిరలో పండిట్ దీనదయాళ్ ఉపాధ్యాయ్ జయంతి: ఆధ్వర్యంలో ఘన నివాళులు

భారతీయ జనతా పార్టీ ఆధ్వర్యంలో మధిరలో పండిట్ దీనదయాళ్ ఉపాధ్యాయ్ జయంతి వేడుకలు ఘనంగా జరిగాయి. ఏకాత్మ మానవతావాద సిద్ధాంత ప్రదాత, మహోన్నత జాతీయవాది, భారతీయ జనసంఘ్ పూర్వ అధ్యక్షులు పండిట్ దీనదయాళ్ ఉపాధ్యాయ్ జయంతి సందర్భంగా వారికి ఘనంగా నివాళులర్పించారు.

అంత్యోదయమే లక్ష్యంగా, సమాజంలోని చివరి వ్యక్తి సంక్షేమమే దేశ అభివృద్ధికి కొలమానంగా భావించిన మహనీయుడు దీనదయాళ్ ఉపాధ్యాయ్ అని కొనియాడారు. భారతీయ సంస్కృతి, జాతీయత, మానవీయ విలువల ఆధారంగా దేశాన్ని నిర్మించాలన్న వారి ఆలోచనలు నేటికీ కోట్లాది మందికి స్ఫూర్తినిస్తున్నాయని తెలిపారు.

సమాజంలోని చివరి వ్యక్తి ముఖంలో చిరునవ్వు పూయించడమే నిజమైన అభివృద్ధి అనే అంత్యోదయ స్ఫూర్తితో ముందుకు సాగడమే వారికి మనం అందించే నిజమైన నివాళి అని పేర్కొన్నారు. వారి ఆశయాలను ప్రజల్లోకి తీసుకెళ్లే సంకల్పంతో ముందుకు సాగాలని పిలుపునిచ్చారు.

పండిట్ దీనదయాళ్ ఉపాధ్యాయ్ జయంతి సందర్భంగా నాయకులు ఆయనకు శతకోటి వందనాలు అర్పించారు.

ఈ కార్యక్రమంలో భాగంగా భారతీయ జనతా పార్టీ నాయకులు స్థానిక ఎస్సీ కాలనీలోని అంగన్వాడి స్కూల్ను సందర్శించారు. అక్కడ పిల్లలు, బాలింతలు, గర్భిణీ స్త్రీలకు అందిస్తున్న పోషకాహారాన్ని పరిశీలించారు. పిల్లలతో కలిసి బొమ్మలు గీయించి, వారికి చిన్న బహుమతులు అందజేశారు.

మధిర పట్టణ అధ్యక్షుడు శివరాజు సుమంత్ ఆధ్వర్యంలో జరిగిన ఈ కార్యక్రమంలో బిజెపి ఎస్సీ మోర్చా రాష్ట్ర అధికార ప్రతినిధి మర్సకట్ల స్వర్ణాకర్, జిల్లా కార్యదర్శి రామిశెట్టి నాగేశ్వరరావు, బిజెపి ఎస్సీ మోర్చా జిల్లా ఉపాధ్యక్షులు పాపట్ల రమేష్, సీనియర్ జిల్లా నాయకులు చిలువేరు సాంబశివరావు, మహిళా మోర్చా జిల్లా ప్రధాన కార్యదర్శి గడ్డం భవాని, జిల్లా కార్యదర్శి దోర్నాల రవీంద్ర, పట్టణ ప్రధాన కార్యదర్శి బియ్యవరపు రామకృష్ణ, మహిళా నాయకురాలు ఆలేటి మేరి తదితరులు పాల్గొన్నారు.