Khammam/Madhira (ధర్మ రథం) నవంబర్ 14
ఖమ్మంపాడు గ్రామంలో న్యాయ చైతన్య సదస్సు నిర్వహించారు, దీనికి మధిర ప్రధాన జూనియర్ సివిల్ జడ్జి శ్రీమతి వేముల దీప్తి హాజరయ్యారు.
ఖమ్మంపాడు గ్రామంలో వివిధ చట్టాలపై అవగాహన కల్పించేందుకు న్యాయ చైతన్య సదస్సు జరిగింది. ఈ కార్యక్రమానికి మధిర ప్రధాన జూనియర్ సివిల్ జడ్జి శ్రీమతి వేముల దీప్తి ముఖ్య అతిథిగా హాజరై ప్రసంగించారు. మోటార్ వాహన చట్టం, చెక్ బౌన్స్ కేసులు, మెయింటెనెన్స్, పోక్సో చట్టం, బాల్య వివాహాల నిరోధక చట్టం వంటి పలు కీలక చట్టాలపై ప్రజలకు ఆమె సమగ్రంగా వివరించారు. చట్టాలపై అవగాహన కలిగి ఉండటం ద్వారా తమ హక్కులను కాపాడుకోవచ్చని ఆమె సూచించారు. ఈ సదస్సులో బార్ ప్రెసిడెంట్ సి.హెచ్. రామరాజు, రూరల్ సీఐ డి. మధు, మధిర టౌన్ ఎస్ఐ ఎం. కిషోర్, గ్రామ సర్పంచ్ బి. అంజన బాబు, పలువురు న్యాయవాదులు, పోలీస్ సిబ్బంది, కోర్టు సిబ్బంది, పి.ఎల్.వీలు పాల్గొన్నారు.







