మధిర, 11 September
మండలం పరిధిలోని ఖమ్మంపాడు గ్రామంలో (వ్యవసాయ సాంకేతిక యాజమాన్య సంస్థ) ఆధ్వర్యంలో రైతు శిక్షణా కార్యక్రమం నిర్వహించారు. ఈ కార్యక్రమంలో రైతులు ఆధునిక వ్యవసాయ సాంకేతిక పద్ధతులను అవలంబించి అధిక దిగుబడులు సాధించాలని సూచించారు.
*ఆత్మ ఆధ్వర్యంలో ఖమ్మంపాడులో రైతు శిక్షణా కార్యక్రమం* మండలం పరిధిలోని **ఖమ్మంపాడు గ్రామంలో ATMA (వ్యవసాయ సాంకేతిక యాజమాన్య సంస్థ) ఆధ్వర్యంలో రైతు శిక్షణా కార్యక్రమం** నిర్వహించారు. ఈ కార్యక్రమానికి ** డివిజన్ సహాయ వ్యవసాయ సంచాలకులు (ADA) ఐ. వాణిశ్రీ ** హాజరై రైతులను ఉద్దేశించి మాట్లాడుతూ, రైతులు ఆధునిక వ్యవసాయ సాంకేతిక పద్ధతులను అవలంబించి పంటలలో అధిక దిగుబడులు సాధించాలని సూచించారు. పంటలలో సమగ్ర యాజమాన్య పద్ధతులు పాటిస్తూ, ఎరువులు మరియు పురుగుమందులను అవసరానికి అనుగుణంగా వినియోగించాలని తెలిపారు. **మండల వ్యవసాయ అధికారి (MAO) కె. సాయిదీక్షిత్** మాట్లాడుతూ ప్రస్తుత పంటల పరిస్థితులకు అనుగుణంగా రైతులు వ్యవసాయ శాఖ అధికారుల సూచనలు పాటించాలని, సమతుల్య ఎరువుల వినియోగం, పురుగు–తెగుళ్ల నివారణ మరియు శాస్త్రీయ పంటల యాజమాన్య పద్ధతులపై అవగాహన పెంచుకోవాలని సూచించారు. ATMA ద్వారా నిర్వహిస్తున్న రైతు శిక్షణా కార్యక్రమాలను రైతులు సద్వినియోగం చేసుకోవాలని కోరారు. *ఉద్యానవన అధికారి విష్ణు* ఉద్యాన పంటల సాగులో నూతన సాంకేతిక పద్ధతులు, పంటల యాజమాన్యం, పురుగు–తెగుళ్ల నివారణ మరియు ఉద్యాన పంటల ద్వారా అదనపు ఆదాయం పొందే అవకాశాలపై రైతులకు వివరించారు. **గ్రామ సర్పంచ్ అంజన బాబు ** మాట్లాడుతూ రైతుల కోసం ATMA మరియు వ్యవసాయ శాఖ నిర్వహిస్తున్న శిక్షణా కార్యక్రమాలు ఎంతో ఉపయోగకరంగా ఉన్నాయని, రైతులు వీటిని సద్వినియోగం చేసుకోవాలని కోరారు. ఈ సందర్భంగా రైతులతో పంటల సాగుకు సంబంధించిన అంశాలపై చర్చించి, వారి సందేహాలకు వ్యవసాయ మరియు ఉద్యానవన శాఖ అధికారులు సమాధానాలు అందించారు. ఈ కార్యక్రమంలో *AEOలు సుష్మ, ప్రవళిక, జిష్ణు మరియు ఖమ్మంపాడు గ్రామ రైతులు* పాల్గొన్నారు.
