అర్బన్ కాలనీ, కోరుట్ల (ధర్మ రథం) సెప్టెంబర్ 09
కోరుట్ల నుండి మెట్పల్లి ప్రధాన రహదారిపై శ్రీరామ ఫిల్లింగ్ స్టేషన్ నుండి అర్బన్ కాలనీ వరకు రాత్రి వేళల్లో తీవ్ర చీకటి నెలకొనడంతో ప్రయాణికులు, స్థానికులు ఇబ్బందులు పడుతున్నారు. ఈ సమస్యను పరిష్కరించేందుకు 7వ వార్డు కౌన్సిలర్లు చొరవ తీసుకున్నారు.
కోరుట్ల - మెట్పల్లి రహదారిపై వెలుగులు: శ్రీరామ ఫిల్లింగ్ స్టేషన్ నుండి అర్బన్ కాలనీ వరకు విద్యుత్ దీపాల ఏర్పాటు కోరుట్ల: కోరుట్ల నుండి మెట్పల్లి ప్రధాన రహదారిపై శ్రీరామ ఫిల్లింగ్ స్టేషన్ నుండి అర్బన్ కాలనీ వరకు ఉన్న రహదారి ప్రాంతం రాత్రి వేళల్లో తీవ్ర చీకటిమయంగా మారి ప్రయాణికులకు, స్థానికులకు నిత్యం ప్రమాదకరంగా మారుతుండేది. ప్రజల భద్రతను అత్యంత ముఖ్యమైన అంశంగా భావించిన 7వ వార్డు కౌన్సిలర్లు గుద్దేటి రాజేందర్ మరియు గూగులవత్ శ్రీకాంత్ ఈ సమస్యపై ప్రత్యేకంగా దృష్టి సారించారు. ఈ ప్రాంతంలో రాత్రివేళల్లో జరుగుతున్న ఇబ్బందులను, ప్రమాదాల ముప్పును మున్సిపల్ అధికారుల దృష్టికి తీసుకెళ్తూ వెంటనే విద్యుత్ దీపాలు ఏర్పాటు చేయాలని వారు కోరారు. కౌన్సిలర్ల విజ్ఞప్తికి మున్సిపల్ అధికారులు తక్షణమే స్పందించారు. ఈరోజు ఆ మార్గాన్ని పరిశీలించి, అత్యంత అవసరమైన ప్రాంతాల్లో కొత్త విద్యుత్ దీపాలను ఏర్పాటు చేయడం జరిగింది. అధికారులు తక్షణమే స్పందించి సమస్యను పరిష్కరించడం పట్ల స్థానికులు, ప్రయాణికులు మరియు 7వ వార్డు ప్రజలు కౌన్సిలర్లు గుద్దేటి రాజేందర్, గూగులవత్ శ్రీకాంత్‌లకు మరియు మున్సిపల్ అధికారులకు ప్రత్యేక కృతజ్ఞతలు తెలిపారు. ఈ విద్యుత్ దీపాల ఏర్పాటుతో రాత్రి వేళల్లో ప్రయాణం సురక్షితంగా మారుతుందని ప్రజలు హర్షం వ్యక్తం చేస్తున్నారు.
