హనుమకొండ, 2026-06-05
రాజ్యసభ సభ్యులు వేం నరేందర్ రెడ్డిని కాంగ్రెస్ పార్టీ యువ నాయకుడు రహమతుల్లా మహమ్మద్ మర్యాదపూర్వకంగా కలిశారు. ఈ సందర్భంగా పార్టీ బలోపేతం, యువత పాత్ర, ప్రజా సేవ వంటి అంశాలపై ఇరువురూ చర్చించారు. ప్రజా సేవే రాజకీయ నాయకుడి ప్రధాన లక్ష్యమని, అంకితభావంతో పనిచేసే యువతకు కాంగ్రెస్లో ఉజ్వల భవిష్యత్తు ఉంటుందని వేం నరేందర్ రెడ్డి ఈ సందర్భంగా తెలిపారు.
రాజ్యసభ సభ్యులు వేం నరేందర్ రెడ్డిని కాంగ్రెస్ పార్టీ యువ నాయకుడు రహమతుల్లా మహమ్మద్ మర్యాదపూర్వకంగా కలిశారు. ఈ సందర్భంగా పార్టీ బలోపేతం, యువత పాత్ర, ప్రజా సేవ వంటి అంశాలపై ఇరువురూ చర్చించారు. ప్రజా సేవే రాజకీయ నాయకుడి ప్రధాన లక్ష్యమని, అంకితభావంతో పనిచేసే యువతకు కాంగ్రెస్లో ఉజ్వల భవిష్యత్తు ఉంటుందని వేం నరేందర్ రెడ్డి ఈ సందర్భంగా తెలిపారు.
పార్టీ కార్యకర్తలకు సూచనలు
కాంగ్రెస్ పార్టీ సిద్ధాంతాలను ప్రజల్లోకి తీసుకెళ్లేందుకు ప్రతి కార్యకర్త అంకితభావంతో పనిచేయాలని వేం నరేందర్ రెడ్డి సూచించారు. మంచి పనులు చేసి ప్రజల విశ్వాసాన్ని సంపాదించుకోవాలని, కష్టపడి పనిచేసే యువతకు కాంగ్రెస్ పార్టీలో మంచి భవిష్యత్తు ఉంటుందని ఆయన భరోసా ఇచ్చారు. గ్రామ స్థాయి నుంచి ప్రజలతో మమేకమై వారి సమస్యలను ప్రభుత్వ దృష్టికి తీసుకెళ్లాలని ఆయన కార్యకర్తలకు సూచించారు.
రహమతుల్లా మహమ్మద్ సేవలు ప్రశంసనీయం
రహమతుల్లా మహమ్మద్ యువ నాయకత్వానికి నిదర్శనంగా ఎదుగుతున్నారని వేం నరేందర్ రెడ్డి కొనియాడారు. హనుమకొండ జిల్లా కాజీపేటకు చెందిన రహమతుల్లా విద్య, సామాజిక సేవ, రాజకీయ రంగాల్లో తనదైన ముద్ర వేస్తూ యువతకు ఆదర్శంగా నిలుస్తున్నారని పేర్కొన్నారు. విద్యార్థి దశ నుంచే భారత జాతీయ కాంగ్రెస్ పార్టీ సిద్ధాంతాలకు కట్టుబడి ప్రజా సమస్యలపై స్పందిస్తూ పార్టీ బలోపేతానికి విశేషంగా కృషి చేస్తున్నారని తెలిపారు.
రహమతుల్లా విద్యా, రాజకీయ నేపథ్యం
హనుమకొండ జిల్లా కాజీపేట విష్ణుపురికి చెందిన మహమ్మద్ అంకుశ్, అలీమా దంపతుల కుమారుడైన రహమతుల్లా మహమ్మద్ విద్యాభ్యాసం చేశారు. కిట్స్ వరంగల్ నుంచి ఎం.టెక్ (స్ట్రక్చరల్ అండ్ కన్స్ట్రక్షన్ ఇంజినీరింగ్), ఎస్.ఆర్.ఇ.సి. వరంగల్ నుంచి బి.టెక్ (సివిల్ ఇంజినీరింగ్) పూర్తి చేశారు. ప్రస్తుతం సామాజిక సేవతో పాటు వ్యాపార రంగంలో కొనసాగుతూ ప్రజలకు సేవలందిస్తున్నారు. 2016లో ఎన్ఎస్యూఐ యునైటెడ్ వరంగల్ జిల్లా సోషల్ మీడియా కోఆర్డినేటర్గా రాజకీయ ప్రస్థానాన్ని ప్రారంభించిన ఆయన, అనంతరం ఎన్ఎస్యూఐ రాష్ట్ర కోఆర్డినేటర్, జాతీయ సోషల్ మీడియా కోఆర్డినేటర్, పలు రాష్ట్రాల ఇన్చార్జ్గా కీలక బాధ్యతలు నిర్వహించారు. ప్రస్తుతం ఇండియన్ యూత్ కాంగ్రెస్ తెలంగాణ రాష్ట్ర జాయింట్ సెక్రటరీగా బాధ్యతలు నిర్వర్తిస్తూ యువతను కాంగ్రెస్ పార్టీ సిద్ధాంతాల వైపు ఆకర్షించడంలో చురుకైన పాత్ర పోషిస్తున్నారు.
వై.ఎస్. రాజశేఖర రెడ్డి సేవలను గుర్తుచేసుకున్న వేం
కాంగ్రెస్ పార్టీ సీనియర్ నాయకుడు, దివంగత ముఖ్యమంత్రి డాక్టర్ వై.ఎస్. రాజశేఖర రెడ్డికి సుపరిచితుడైన కాజీపేటకు చెందిన మహమ్మద్ అంకుశ్ సేవా భావాన్ని వేం నరేందర్ రెడ్డి గుర్తు చేసుకున్నారు. ఆయన తనయుడు రహమతుల్లా చిన్ననాటి నుంచే నాయకత్వ లక్షణాలను అలవర్చుకుని ప్రజా సేవలో ముందుంటున్నారని ప్రశంసించారు. ప్రజల మధ్య నిరంతరం ఉంటూ వారి సమస్యలను తెలుసుకుని, పరిష్కారానికి ప్రజా వారధిగా పనిచేస్తున్న రహమతుల్లా మహమ్మద్ సేవలను అభినందించారు. సామాజిక బాధ్యతతో ముందుకు సాగుతూ యువతకు ఆదర్శంగా నిలుస్తున్నారని పేర్కొన్నారు.
