అవినీతి నిరోధక శాఖ (ఏసీబీ) అధికారులు జిల్లా అచంపేటలో ఒక ప్రభుత్వ ఉద్యోగిని అరెస్టు చేశారు. సీనియర్ అకౌంటెంట్ కందాడ వెంకటయ్య ఫోన్పే ద్వారా 22,000 లంచం స్వీకరించినట్లు ఆరోపణలు ఎదుర్కొంటున్నారు. మొత్తం 25,000 డిమాండ్ చేయగా, అందులో కొంత నగదు, మిగిలినది డిజిటల్ రూపంలో తీసుకున్నాడు.
లంచాలు తీసుకునే మార్గాలు డిజిటల్గా మారుతున్నప్పటికీ, అవినీతి అడ్డకట్ట పడటం లేదు. ఫోన్పే ద్వారా లంచం తీసుకున్న ఒక ప్రభుత్వ ఉద్యోగి వ్యవహారం తాజాగా అవినీతి నిరోధక శాఖ (ఏసీబీ) దర్యాప్తులో వెలుగుచూసింది.
జిల్లా అచంపేట సబ్ డివిజనల్ ట్రెజరీ కార్యాలయంలో సీనియర్ అకౌంటెంట్గా పనిచేస్తున్న కందాడ వెంకటయ్యపై అవినీతి నిరోధక శాఖ (ఏసీబీ) అధికారులు కేసు నమోదు చేశారు.
ఫిర్యాదుదారుడికి సంబంధించిన మెడికల్ లీవ్, ఇతర బిల్లులు మరియు అలవెన్సుల ప్రాసెసింగ్ కోసం వెంకటయ్య మొత్తం 25,000 లంచం డిమాండ్ చేశాడు. ఇందులో భాగంగా 3,000 నగదు రూపంలో తీసుకోగా, మిగిలిన 22,000 మొత్తాన్ని ఫోన్పే ద్వారా డిజిటల్ ట్రాన్స్ఫర్ చేయించుకున్నాడు.
అధికారుల చర్య
ఈ లావాదేవీలకు సంబంధించిన ఆధారాలను సేకరించిన ఏసీబీ అధికారులు నిందితుడు వెంకటయ్యను అరెస్టు చేసి, నాంపల్లిలోని ఏసీబీ ప్రత్యేక కోర్టులో హాజరుపరిచారు. న్యాయస్థానం అతనికి రిమాండ్ విధించడంతో జైలుకు తరలించారు. ఫిర్యాదుదారుడి భద్రత దృష్ట్యా ఆయన వివరాలను అధికారులు రహస్యంగా ఉంచారు.
ప్రజలకు సూచన
ప్రభుత్వ అధికారులు ఎవరైనా లంచం డిమాండ్ చేస్తే వెంటనే ఏసీబీ దృష్టికి తీసుకురావాలని అధికారులు ప్రజలను కోరారు. టోల్ఫ్రీ నంబర్: 1064, వాట్సాప్ నంబర్: 9440446106.
