చెర్వుగట్టులో ఉచిత కంటి వైద్య శిబిరం: 16 మందికి విజయవంతంగా ఆపరేషన్లు

నకిరేకల్ నియోజకవర్గ పరిధిలోని చెర్వుగట్టు గ్రామంలో ఉద్దీపణ ఫౌండేషన్ ఆధ్వర్యంలో ఉచిత ప్రాథమిక కంటి వైద్య పరీక్ష శిబిరాన్ని నిర్వహించారు. ఎమ్మెల్యే వేముల వీరేశం సహకారంతో జరిగిన ఈ శిబిరంలో కంటి సమస్యలతో బాధపడుతున్న పలువురికి పరీక్షలు నిర్వహించారు. వీరిలో 16 మందికి కంటి ఆపరేషన్లు అవసరమని వైద్యులు గుర్తించారు.

ఆపరేషన్లు పూర్తి

వైద్యుల సూచన మేరకు ఎమ్మెల్యే వేముల వీరేశం సహకారంతో ఆపరేషన్లు అవసరమైన 16 మందిని సికింద్రాబాద్లోని పుష్పగిరి హాస్పిటల్కు తరలించారు. అక్కడ వారికి అవసరమైన కంటి ఆపరేషన్లు విజయవంతంగా పూర్తయ్యాయి. ఈ సేవలను గ్రామ ప్రజలు అభినందించారు.

లబ్ధిదారులను పరామర్శించిన సర్పంచ్

ఈ సందర్భంగా చెర్వుగట్టు సర్పంచ్ నేతకానీ కృష్ణయ్య పుష్పగిరి హాస్పిటల్ను సందర్శించారు. ఆపరేషన్లు చేయించుకున్న గ్రామ ప్రజలను పరామర్శించి, వారి ఆరోగ్య పరిస్థితిని అడిగి తెలుసుకున్నారు. త్వరగా కోలుకోవాలని ఆకాంక్షిస్తూ వారికి పండ్లను అందజేశారు. ఈ సందర్భంగా గ్రామ ప్రజలు ఎమ్మెల్యే వేముల వీరేశం గారికి కృతజ్ఞతలు తెలియజేశారు.