జగిత్యాల జిల్లా మండల పరిధిలోని కిష్టంపేట గ్రామంలో వినాయక చవితి వేడుకలు బజరంగ్ధల్ సేన ఆధ్వర్యంలో ఘనంగా జరిగాయి. ఈ సందర్భంగా గణనాథుడికి ప్రత్యేక పూజలు నిర్వహించారు. పర్యావరణ పరిరక్షణకు ప్రాధాన్యతనిస్తూ చిన్న విగ్రహాలను ప్రతిష్టించుకోవాలని యువత పిలుపునిచ్చింది.
కిష్టంపేట గ్రామంలో వినాయక చవితి పండుగ వాతావరణం నెలకొంది. బజరంగ్ధల్ సేన ఆధ్వర్యంలో విగ్నేశ్వరుడి ఆగమన వేడుకలను గ్రామంలో అంగరంగ వైభవంగా నిర్వహించారు. ఈ సందర్భంగా గణనాథుడికి ప్రత్యేక పూజలు నిర్వహించి, మంగళ హారతులు ఇచ్చారు. ఈ కార్యక్రమంలో బజరంగ్ధల్ సేన యూత్ సభ్యులు మాట్లాడుతూ.. భక్తులందరూ కేవలం విగ్రహాల ఎత్తుకు ప్రాధాన్యత ఇవ్వకుండా, పర్యావరణానికి మేలు చేసే విధంగా చిన్న విగ్రహాలను ప్రతిష్టించుకోవాలని కోరారు. మనస్ఫూర్తిగా పూజించే భక్తి ముఖ్యం తప్ప ఆడంబరాలు కాదని, అందరినీ ఆకర్షించేలా మరియు పర్యావరణాన్ని రక్షించేలా ప్రతి ఏటా ఈ పండుగను జరుపుకోవాలని సూచించారు. ఆ విఘ్నేశ్వరుడి ఆశీస్సులు ఎల్లవేళలా ప్రజలందరిపై ఉండాలని, ప్రతి ఒక్కరి జీవితాల్లో సుఖసంతోషాలు నిండాలని యూత్ సభ్యులు ఆకాంక్షించారు. ఈ వేడుకల్లో గ్రామ ప్రజలు, యువకులు పెద్ద సంఖ్యలో పాల్గొన్నారు.
