పెద్దకోడెపాకలో గణపతి నవరాత్రుల సందర్భంగా మహా అన్నదానం

గణపతి నవరాత్రుల ఉత్సవాల్లో భాగంగా పెద్దకోడెపాక గ్రామంలోని కురుమవాడ హనుమాన్ టెంపుల్ వద్ద సామాజిక సేవకులు అమ్మ అశోక్ ఆధ్వర్యంలో మహా అన్నదాన కార్యక్రమం భక్తిశ్రద్ధలతో ఘనంగా నిర్వహించారు.

ఈ సందర్భంగా అమ్మవారు వినాయకునికి ప్రత్యేక పూజలు నిర్వహించి, గ్రామ ప్రజలందరూ సుఖసంతోషాలతో, ఆయురారోగ్యాలతో, పాడిపంటలతో, అష్టైశ్వర్యాలతో వర్ధిల్లాలని విఘ్నేశ్వరుని మనస్ఫూర్తిగా ప్రార్థించారు.

అనంతరం భక్తులు, గ్రామ ప్రజల సమక్షంలో మహా అన్నదాన కార్యక్రమం నిర్వహించి, ప్రతి ఒక్కరికీ అన్నప్రసాదం అందించారు.

ఈ మహా అన్నదాన కార్యక్రమంలో పాల్గొని, కార్యక్రమాన్ని విజయవంతం చేసిన ప్రతి ఒక్కరికీ హృదయపూర్వక కృతజ్ఞతలు తెలియజేశారు.

ఈ కార్యక్రమంలో అమ్మ రాజు, ముజిగిరి వేణు, కొమ్ము శ్రీను, అమ్మ రంజిత్, అన్న రాజు, చంద్రమౌళి, మహేష్, రాకేష్, సురేష్ తదితరులు పాల్గొన్నారు.