ఆల్మస్గూడలో ఘనంగా విశ్వకర్మ భగవాన్ జయంతి వేడుకలు, అన్నదానం

ఆల్మస్గూడలో శ్రీ శ్రీ విశ్వ బ్రాహ్మణ సంఘం ఆధ్వర్యంలో శ్రీమద్వీరాట్ విశ్వకర్మ భగవాన్ జన్మదిన మహోత్సవాన్ని ఘనంగా నిర్వహించారు. గురువారం ఆల్మస్గూడలోని అంబేద్కర్ విగ్రహం వద్ద ప్రత్యేక కార్యక్రమాలు చేపట్టారు.

ఈ సందర్భంగా విశ్వకర్మ భగవాన్కు ప్రత్యేక పూజలు నిర్వహించి, భక్తిశ్రద్ధలతో జయంతి వేడుకలను జరుపుకున్నారు. అనంతరం సంఘం ఆధ్వర్యంలో అన్నదాన కార్యక్రమాన్ని నిర్వహించారు. ఈ కార్యక్రమానికి విశ్వ బ్రాహ్మణ సంఘం సభ్యులు, భక్తులు, స్థానిక ప్రజలు పెద్ద సంఖ్యలో హాజరై అన్నప్రసాదాన్ని స్వీకరించారు.

ఈ సందర్భంగా నిర్వాహకులు మాట్లాడుతూ, విశ్వకర్మ భగవాన్ ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. సమాజంలో ఐక్యతను పెంపొందిస్తూ, ఆధ్యాత్మిక, సామాజిక సేవా కార్యక్రమాలను నిరంతరం కొనసాగిస్తామని తెలిపారు.

ఈ కార్యక్రమంలో అవచ మురళి చారి, పొలోజు పరిపూర్ణ చారి, మడోజు తిరుపతి చారి, బొడ్డపల్లి వీర చారి, నరోజు బ్రహ్మ చారి, నరోజు శివ చారి, వెంకటేష్ చారి, మాలేష్ చారి, గోవర్ధన్ చారి, రఘునందన్ చారి, లింగమ చారి, సంతోష్ చారి, శ్రీరాములు చారి, రమేష్ చారి, మధుసూదన్ చారి, శ్రీనివాస్ చారి, రాజేష్ చారి, రూప తదితరులు పాల్గొన్నారు.

విశ్వకర్మ భగవాన్ జయంతి సందర్భంగా నిర్వహించిన అన్నదాన కార్యక్రమం భక్తిశ్రద్ధలతో విజయవంతంగా జరిగింది.