రాజన్న సిరిసిల్ల సిరిసిల్ల రెడ్ క్రాస్ సొసైటీ ఎన్నికలు - 15 మంది సభ్యుల ఎంపిక

రాజన్న సిరిసిల్ల సిరిసిల్ల జిల్లా కేంద్రంలోని జిల్లా సమాఖ్య భవనంలో వచ్చే నెల 1వ తేదీన ఇండియన్ రెడ్ క్రాస్ సొసైటీ (ఐఆర్ సీ ఎస్) మేనేజింగ్ కమిటీ ఎన్నికలు నిర్వహించనున్నట్లు జిల్లా ప్రెసిడెంట్, జిల్లా కలెక్టర్ గరిమ అగ్రవాల్ తెలిపారు. ఈ ఎన్నికల్లో మొత్తం 15 మంది సభ్యులను ఎన్నుకోవడం జరుగుతుందని ఆమె పేర్కొన్నారు. ఐఆర్ సీఎస్ లో సభ్యత్వం ఉన్నవారు పోటీ చేసేందుకు అర్హులని ఆమె స్పష్టం చేశారు.

ఎన్నికల ప్రక్రియకు సంబంధించి షెడ్యూల్ ను కలెక్టర్ వివరించారు. ఈ నెల 24వ తేదీన ఉదయం 10:00 గంటల నుంచి మధ్యాహ్నం 1:00 గంటల వరకు నామినేషన్ల దాఖలు, 25వ తేదీన నామినేషన్ల పరిశీలన, 26వ తేదీన నామినేషన్ల ఉపసంహరణ ఉంటుందని తెలిపారు. అదే రోజు పోటీలో ఉన్న అభ్యర్థుల జాబితాను ప్రకటిస్తామని పేర్కొన్నారు.

1వ తేదీన ఆదివారం ఉదయం 8:00 గంటల నుంచి రాజన్న సిరిసిల్ల సిరిసిల్ల జిల్లా కేంద్రంలోని జిల్లా సమాఖ్య భవనంలో ఇండియన్ రెడ్ క్రాస్ సొసైటీ మేనేజింగ్ కమిటీ ఎన్నికలు నిర్వహించనున్నట్లు ఆమె వెల్లడించారు. అదే రోజు సాయంత్రం 4:00 గంటలకు కౌంటింగ్, ఫలితాలను ప్రకటిస్తామని తెలిపారు.

ఈ ఎన్నికల ప్రక్రియలో జిల్లా ఆడిట్ అధికారి శ్రీనివాస్ ఎన్నికల అధికారిగా వ్యవహరిస్తున్నారని జిల్లా కలెక్టర్ గరిమ అగ్రవాల్ పేర్కొన్నారు.