రైతు రిజిస్ట్రీపై పేద్దకోడెపాకలో అవగాహన సమావేశం

పేద్దకోడెపాక గ్రామంలో నిర్వహించిన ఈ అవగాహన సమావేశంలో మండల వ్యవసాయ అధికారి () శ్రీ ప్రియదర్శిని రైతులకు పలు సూచనలు చేశారు. గ్రామ సర్పంచ్ శ్రీమతి మంద టీనా, వ్యవసాయ విస్తరణ అధికారి () అన్వేష్ కూడా పాల్గొన్నారు.

01-01-2026 నుండి 13-08-2026 మధ్యకాలంలో కొత్త పట్టాదారు పాస్బుక్లు పొందిన రైతులు, అలాగే ఇంతకు ముందు రైతు రిజిస్ట్రీ చేయించుకోని పాత రైతులు తమ సమీప వ్యవసాయ విస్తరణ అధికారి ()లను సంప్రదించాలని ప్రియదర్శిని సూచించారు. ప్రత్యామ్నాయంగా, సమీప మీ సేవా కేంద్రాల్లో కూడా రైతు రిజిస్ట్రీ నమోదు చేసుకోవచ్చని తెలిపారు.

వరి, పత్తి మరియు ఇతర పంటల కొనుగోళ్లకు రైతు ఐడీ తప్పనిసరి అని, అలాగే యాప్ ద్వారా ఎరువుల బుకింగ్ చేసుకోవడానికి రైతు రిజిస్ట్రేషన్ తప్పనిసరిగా ఉండాలని ఆమె పేర్కొన్నారు. పంట రుణాలు పొందేందుకు, కేంద్ర ప్రభుత్వానికి సంబంధించిన వివిధ సంక్షేమ పథకాలు మరియు ఇతర ప్రయోజనాలను పొందేందుకు కూడా రైతు రిజిస్ట్రీ అవసరమని తెలిపారు.

రైతు రిజిస్ట్రీ నమోదును వేగవంతం చేసేందుకు 22-09-2026 నుండి 30-09-2026 వరకు ప్రత్యేక డ్రైవ్ నిర్వహిస్తున్నట్లు తెలిపారు. ఈ ప్రత్యేక కార్యక్రమంలో రైతులు, ప్రజాప్రతినిధులు, సర్పంచ్లు మరియు సంబంధిత అధికారులు సమన్వయంతో పనిచేసి ప్రతి రైతు రిజిస్ట్రీ పూర్తయ్యేలా చర్యలు తీసుకోవాలని కోరారు.

మరణించిన రైతులు మరియు భూమిని విక్రయించిన కేసులు వ తేదీ నాటికి 100 శాతం రైతు రిజిస్ట్రీ పూర్తి చేయాలని ఆమె సూచించారు. గ్రామంలోని ప్రజాప్రతినిధులు, సర్పంచ్లు రైతులతో సమన్వయం చేసుకుని, వారికి అవసరమైన సహకారం అందిస్తూ నమోదు ప్రక్రియను విజయవంతం చేయాలని విజ్ఞప్తి చేశారు.