రాయపట్నం గ్రామంలో అంటువ్యాధులు, విష జ్వరాలు ప్రబలకుండా నివారణ చర్యలు చేపట్టాలని గ్రామస్తులు కోరారు. దీనికి స్పందనగా, వైద్య సిబ్బందితో డోర్ టు డోర్ ఆరోగ్య సర్వే నిర్వహించి, అవసరమైతే వైద్య శిబిరం ఏర్పాటు చేస్తామని వైద్యాధికారి హామీ ఇచ్చారు.
గత రెండు రోజులుగా కురిసిన అకాల వర్షాల నేపథ్యంలో వాతావరణంలో చోటు చేసుకున్న మార్పుల కారణంగా, గ్రామాలలో అంటువ్యాధులు, విష జ్వరాలు, ఇతర అనారోగ్య సమస్యలు ప్రబలకుండా ముందస్తు చర్యలు చేపట్టాల్సిన అవసరం ఉందని గ్రామస్తులు భావిస్తున్నారు. ఈ నేపథ్యంలో, రాయపట్నం గ్రామంలో వైద్య సిబ్బందితో డోర్ టు డోర్ హెల్త్ సర్వే నిర్వహించాలని, అవసరమైతే వైద్య శిబిరాన్ని కూడా ఏర్పాటు చేయాలని రాయపట్నం గ్రామపంచాయతీ పాలకవర్గ సభ్యుడు కోట రాజా, పాలకవర్గ పక్షాన దెందుకూరు ప్రాథమిక ఆరోగ్య కేంద్రం వైద్యాధికారి డాక్టర్ బి. పృథ్వీరాజ్ గారికి వినతి పత్రం అందజేశారు.
గ్రామస్తుల వినతికి స్పందించిన డాక్టర్ బి. పృథ్వీరాజ్ గారు, సానుకూలంగా స్పందించి, తప్పకుండా గ్రామంలో డోర్ టు డోర్ హెల్త్ సర్వే చేయించి, వైద్య శిబిరాన్ని నిర్వహించనున్నట్లు తెలిపారు. ఈ చర్యల ద్వారా అంటువ్యాధులు ప్రబలకుండా నివారించవచ్చని అధికారులు భావిస్తున్నారు. ఇందు నిమిత్తమై డాక్టర్ పృథ్వీరాజ్ గారికి పాలకవర్గ పక్షాన కృతజ్ఞతలు తెలియజేశారు.







