పరకాలు, 2026-08-07
పరకాల మండల కేంద్రంలోని గిరిజన బాలుర వసతి గృహంలో ఆధ్వర్యంలో ఆరోగ్యశ్రీ సాధన దినోత్సవ వేడుకలు విద్యార్థులతో ఘనంగా నిర్వహించారు. ఈ కార్యక్రమానికి ముఖ్య అతిథిగా పరకాల మండల ఇంచార్జి అంకిల్ల రాజు మాదిగ హాజరయ్యారు.
పరకాల మండల కేంద్రంలోని గిరిజన బాలుర వసతి గృహంలో పరకాల మండల కో ఇంచార్జి ఉమామహేశ్వర్ మాదిగ ఆధ్వర్యంలో ఆరోగ్యశ్రీ సాధన దినోత్సవ వేడుకలు విద్యార్థులతో ఘనంగా నిర్వహించారు. ఈ కార్యక్రమానికి ముఖ్య అతిథిగా పరకాల మండల ఇంచార్జి అంకిల్ల రాజు మాదిగ హాజరయ్యారు.
ఆరోగ్యశ్రీ పథకం ఆవిర్భావం
ఈ సందర్భంగా అంకిల్ల రాజు మాదిగ మాట్లాడుతూ, పద్మశ్రీ మందకృష్ణ మాదిగ మాదిగల ఆత్మగౌరవం, హక్కులు, రాజాధికారం కోసం స్థాపించిన ఎమ్మార్పీఎస్ ఉద్యమం మాదిగల కోసమే కాకుండా సమాజంలో ఉన్న అన్ని కులాల ప్రజల కోసం ఎన్నో ఉద్యమాలు చేసి, ఎన్నో పథకాలు సాధించి ప్రజలకు అందేలా చేసిందని తెలిపారు. మందకృష్ణ మాదిగ ఉద్యమ ఫలితంగా సాధించిన పథకాలలో ఆరోగ్యశ్రీ పథకం ఒకటి అని తెలిపారు.
ఆరోగ్యశ్రీ ఆవశ్యకత
2004లో ఖమ్మం జిల్లా వైరా మండలం రెబ్బవరం గ్రామంలో నిరుపేద ముస్లిం కుటుంబానికి చెందిన నసీమా అనే అమ్మాయి గుండె జబ్బుతో బాధపడుతూ పద్మశ్రీ మందకృష్ణ మాదిగను కలిసి, తనకు గుండె ఆపరేషన్ చేయించమని కోరింది. అప్పుడు మందకృష్ణ మాదిగ, అప్పటి ఉమ్మడి ఆంధ్రప్రదేశ్ రాష్ట్ర ముఖ్యమంత్రి వైయస్ రాజశేఖర్ రెడ్డిని కలిసి, అమ్మాయికి సంబంధించిన గుండె ఆపరేషన్ గురించి వివరించారు. అయితే, వైయస్ రాజశేఖర్ రెడ్డి పట్టింపు లేకుండా వ్యవహరించారు.
పోరాటంతో పథకం సాధన
ఆ తరుణంలో గుండె సంబంధిత వందలాది చిన్నారులతో హైదరాబాదులోని ట్యాంక్ బండ్ ఆవరణంలో పెద్ద ఎత్తున పోరాటం జరిగింది. అప్పుడు వైయస్ రాజశేఖర్ రెడ్డి, గౌరవ పద్మశ్రీ మందకృష్ణ మాదిగ ఉద్యమానికి తలొగ్గి ఆరోగ్యశ్రీ పథకాన్ని తీసుకురావడం జరిగింది.
అందరికీ ఆరోగ్యశ్రీ
పద్మశ్రీ మందకృష్ణ మాదిగ ఉద్యమ ఫలితమే ఆరోగ్యశ్రీ పథకం అని, కులాలకు, మతాలకు అతీతంగా ఇప్పుడు అన్ని వర్గాల ప్రజలకు ఆరోగ్యశ్రీ కార్డు అందుబాటులో ఉండటానికి కారణం పద్మశ్రీ మందకృష్ణ మాదిగ ఉద్యమమేనని తెలిపారు.
పాల్గొన్నవారు
ఈ కార్యక్రమంలో మాతంగి కిరణ్ మాదిగ, దినేష్ మాదిగ, కుమార్ మాదిగతో పాటు విద్యార్థులు పాల్గొన్నారు.
