జగిత్యాల, 2026-08-20
జగిత్యాల ప్రభుత్వ వైద్య కళాశాలలో వివిధ విభాగాల్లో ఖాళీగా ఉన్న 69 వైద్య అధ్యాపక పోస్టులను కాంట్రాక్ట్ ప్రాతిపదికన భర్తీ చేయనున్నట్లు జిల్లా కలెక్టర్ బి. సత్య ప్రసాద్ తెలిపారు. తెలంగాణ రాష్ట్ర ప్రభుత్వం జారీ చేసిన ....1276 ప్రకారం, 31.03.2027 వరకు ఈ నియామకాలు చేపట్టనున్నట్లు ఆయన పేర్కొన్నారు.
జగిత్యాల ప్రభుత్వ వైద్య కళాశాలలో వివిధ విభాగాల్లో ఖాళీగా ఉన్న 69 వైద్య అధ్యాపక పోస్టులను కాంట్రాక్ట్ ప్రాతిపదికన భర్తీ చేయనున్నట్లు జిల్లా కలెక్టర్ బి. సత్య ప్రసాద్ తెలిపారు. తెలంగాణ రాష్ట్ర ప్రభుత్వం జారీ చేసిన ....1276, (.) , తేదీ: 16.07.2026 ప్రకారం, 31.03.2027 వరకు ఈ నియామకాలు చేపట్టనున్నట్లు ఆయన పేర్కొన్నారు.
పోస్టుల వివరాలు
ఈ నియామకాల్లో భాగంగా ప్రొఫెసర్లు 11, అసోసియేట్ ప్రొఫెసర్లు 29, అసిస్టెంట్ ప్రొఫెసర్లు 29 చొప్పున మొత్తం 69 పోస్టులను భర్తీ చేయనున్నారు. అర్హత కలిగిన అభ్యర్థులు 24.08.2026న ఉదయం 10:00 గంటల నుంచి సాయంత్రం 05:00 గంటల వరకు జగిత్యాల ప్రభుత్వ వైద్య కళాశాలలో నిర్వహించే వాక్-ఇన్ ఇంటర్వ్యూకు హాజరు కావాలని కలెక్టర్ సూచించారు.
అవసరమైన ధ్రువపత్రాలు
వాక్-ఇన్ ఇంటర్వ్యూకు హాజరయ్యే అభ్యర్థులు తమ విద్యార్హతలు, అనుభవం, రిజిస్ట్రేషన్ తదితర ఒరిజినల్ ధ్రువపత్రాలతో పాటు అవసరమైన ఇతర పత్రాలను వెంట తీసుకురావాలని కలెక్టర్ సూచించారు. పోస్టుల వారీగా అర్హతలు, ఎంపిక విధానం, అవసరమైన ధ్రువపత్రాలు, ఇతర పూర్తి వివరాలను .. మరియు ://.../ వెబ్సైట్లలో పరిశీలించాలని సూచించారు.
మెరుగైన వైద్య సేవలు
ప్రభుత్వ ఆదేశాలు, మార్గదర్శకాల మేరకు చేపడుతున్న ఈ నియామకాలతో జగిత్యాల ప్రభుత్వ వైద్య కళాశాలలో బోధనా సిబ్బంది అందుబాటు పెరుగుతుందని కలెక్టర్ బి. సత్య ప్రసాద్ పేర్కొన్నారు. దీనివల్ల వైద్య విద్యార్థులకు మెరుగైన బోధన, శిక్షణ అందించడంతో పాటు ప్రభుత్వ ఆసుపత్రిలో ప్రజలకు నాణ్యమైన వైద్య సేవలు అందించేందుకు అవకాశం కలుగుతుందని తెలిపారు.
సిబ్బందికి సూచనలు
ప్రభుత్వ వైద్య కళాశాల, అనుబంధ ఆసుపత్రులకు వచ్చే ప్రజలకు మెరుగైన వైద్య సేవలు అందేలా వైద్య సిబ్బంది సమర్థవంతంగా విధులు నిర్వహించాలని జిల్లా కలెక్టర్ సూచించారు.
